చిన్నపట్నుంచి నా జీవితంలోకి చాలా మంది స్నేహితులు వచ్చారు వెళ్లారు. అప్పుడప్పుడు ఈ స్నేహాల గురించి గుర్తుకు వచినప్పుడల్లా అనిపిస్తుంది, "అసలు వీళ్ళతో నేను ఎందుకు స్నేహం చేశానా అని?". కొన్నిటికి కారణం నేను అని అనిపించినా, వాళ్ళని కూడా తిట్టుకునేవాడిని.
ఇప్పటిదాకా ఉన్న, మర్చిపోయిన, మరచిపోలేని స్నేహితులని గమనిస్తే నాకు ఒకటే అనిపిస్తుంది. నా స్నేహాలు వాళ్ల దగ్గర నా ప్రవర్తన మీద ఆధారపడి ఉంటుందని.
మన స్నేహితులని, మంచి స్నేహాలని కాపాడుకోవడానికి నా జీవితం నుంచి నేను ఏరికోరిన, సూత్రాల గురించి రాస్తూ ఉంటాను. అలాగే నాకు కొన్ని సందేహాలు, ప్రశ్నలు ఉన్నాయి. ఇందులో మొదటిది:
౧. వాళ్లు ఏ పరిస్తుతుల్లో ఉన్నారో మరి: మామూలుగా మన స్నేహితులని కలవడానికి వెళ్ళినప్పుడు మనకి చాలా ఆనందంగా ఉంటుంది. వాళ్ళని కలిసింది నిన్న అయినా కూడా ఎప్పటినుంచో ఎదురుచూస్తున్నట్టు ఉంటుంది. (లేదంటే మనం ఎందుకు వెళ్తాం చెప్పండి?) సరే వెళ్ళాం. కలిసాం. మరి వాళ్ళకి ఆ క్షణం, ఆ గంట, ఆ రోజు, ఆ వారం, ఆ సందర్భం లో పరిస్థితి ఎలా ఉందో తెలియదు. వాళ్లు చెప్తే సరే సరి. లేక పోతే?
ఇలాంటప్పుడు మీరు ఎం చేస్తారు
కింద కామెంట్స్ లో రాయండి.
ఇక ఉంటాను,
- శ్యాము
స్నేహితులు - ౧
బ్లాగ్స్ రాయడం
బ్లాగ్గింగ్ చేయడం అంత కష్టమైన పని ఏమి కాదు. కావలసింది/చేయవలసింది ఇవి:
౧. సహనం
౨. ఆలోచన
౩. నెమ్మది
౧. సహనం: ఇలా పని లేని పనుల గురించి రాయాలి అంటే కొంచెం సహనం అవసరమే. మన దైనందిన జీవితం లో చేసే/చెయ్యవలసిన పనులతో పోల్చి చూస్తే ఈ పని అవసరమా అనిపిస్తూ ఉంటుంది. అందులోనూ ఇలా తెలుగులో వ్రాయడం కొంచెం కష్టమే. కాని కేవలం నాకు నా మాత్రు భాష ఐన 'తెలుగు' మీద ఉన్నా మమకారం తో నేను ఈ పని చేస్తున్నాను.
౨. ఆలోచన: ఈ మాత్రం రాయడానికే నేను ఒక గంట ఆలోచించి రాసాను. ఇంక అస్సలు విషయాలు గురించి రాయడమంటే కొంచెం ముందు చూపు అవసరం. ఒక పని చెయ్యాలి అంటే ఏమి చెయ్యాలి అని ముందే ఆలోచించి పెట్టుకుంటే ఆ పని చేసేటప్పుడు చాలా నెమ్మదిగా సాగిపోతూ ఉంటుంది. అలా అని ఆలోచిస్తూ ఉంటే ఆ పని చెయ్యటం మొదలు పెట్టడం కష్టం అవుతూ ఉంటుంది.
౩. నెమ్మది: బ్లాగ్గింగ్ చెయ్యడం అనేది ఒక పాతిక గుంజీలు తీయడం లాంటిది కాదు. అలా అని ఇది ఒక తపస్సు అనట్లేదు. మన నిజ జీవితం లో జరిగే విషయాల సమాహారం నుంచి ప్రపంచం లో జరిగే రాజకీయాల వరకు మన ఓపిక ఉన్నవిషయం మీద బ్లాగ్గింగ్ చెయ్యొచ్చు. అలా అని ఇష్టం ఉన్నరీతిలో రాయడం మంచిది కాదు. చాల జాగ్రత్తగా ఆలోచించి, మంచి మంచి మాటలతో వ్రాస్తే చదివే వాళ్ళకి నచ్చుతుంది.
నాకు ఇంకా ఇది(తెలుగులో వ్రాయడం) అలవాటు అవ్వలేదు. మొదట్లో కొంచెం కష్టమే ఐనా నేను మానవ ప్రయత్నం చేస్తూ ఉంటాను.
ఇంకా మంచి ఆర్టికల్స్ వస్తాయి. మరి మీరు ఓపిక పడతారు అని ఆశిస్తూ...
సెలవు మరి,
-శ్యాము
నేను ఎవరు
నా పేరు 'శ్యామసుందర రెడ్డి'. నేను అమెరికా కి వచ్చి మూడు సంవత్సరాలు అయ్యింది.
ఇంక ఉంటాను
-శ్యాము
